Google ADS

Papa Françesku iu thotë prindërve të mbështesin fëmijët e tyre homoseksualë

13:02 | 26 Janar 2022
A. B.

Papa Françesku tha të mërkurën se prindërit e fëmijëve homoseksualë nuk duhet t’i ‘dënojnë’ ata, por t’u ofrojnë mbështetje.

Komentet e paplanifikuara i bëri në audiencën e tij javore në lidhje me vështirësitë me të cilat prindërit mund të përballen në rritjen e pasardhësve, shkruan Reuters.

Këto çështje përfshinin “prindërit që shohin orientime të ndryshme seksuale tek fëmijët e tyre dhe si ta trajtojnë këtë, si t’i shoqërojnë fëmijët e tyre, dhe të mos fshihen pas një qëndrimi dënimi”, tha Françesku.

Ai më parë ka deklaruar se homoseksualët kanë të drejtë të pranohen nga familjet e tyre si fëmijë dhe vëllezër e motra.

Papa Françesku gjithashtu ka thënë se ndonëse Kisha nuk mund të pranojë martesat e të njëjtit seks, mund të mbështesë ligjet e bashkimit civil që synojnë t’u japin partnerëve homoseksualë të drejta të përbashkëta në fushat e pensioneve, të kujdesit shëndetësor dhe çështjeve të trashëgimisë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm